تایبەتمەندییەکان

بەهۆی سیستمی رێگەدۆزیی نیسان ئەڵتیما و گەڕانی ئۆنلاینی گۆگڵ، سوڕانەوە هەرگیز ئەوەندە ئاسان نەبووە.

لەگەڵ بەرنامە بەردەستەکانی NissanConnect بۆ مۆبایل، نیسان ئەڵتیماکەت گۆرانی و تۆڕی کۆمەڵایەتی و ئارەزومەندیەکان و شتی تریش دەخاتە خزمەتت. SiriusXM Travel Link دەرەچەیەکی ئاسان دەخاتە بەردەستت بۆ گەیشتن بە ترافیک، کەش و هەوا، فیلمەکان و تەنانەت بازاڕەکانیش.

بەهۆی خزمەتگوزاریەکانی NissanConnect کە لە لایەن SiriusXM پەرەیپێدراوە، هەڵبژاردەیەک لە پیلان و خزمەتگوزاریت لەبەردەستدایە کە ئیشپێکردنی بزوێنەر لە رێگەی مۆبایل دەگرێتەوە تا پەیوەندیکردن بۆ بەهاناوەچوون ئەگەر هاتوو سیستمەکە هەستی بە رووداوێک کرد.

بەهۆی هاوکاریی نامەناردن بەبێ بەکارهێنانی دەست، ئەڵتیماکەت دەتوانێت بە دەنگی بەرز نامە هاتووەکانت بۆ بخوێنێتەوە و بەهۆی تەکنەلۆجیای ناساندنی دەنگەوە، دەتوانیت بەهۆی وەڵامە ئامادەکراوەکانەوە وەڵامبدەیتەوە.

iPod-ەکەت یان هەر ئامێرێکی شیاوی تر بکە بە شوێنی USB و هەموو گۆرانیەکانت لە رێگا لێبدە. هەروەها دەتوانیت لە رێگەی سیستمی دەنگی و شاشەی لەمس (ئەگەر تێیدا بێت) کۆنتڕۆڵی ئەرکەکان بکەیت.

دەتەوێت لە کۆتا خولەکدا شوێنێک بۆ نانی ئێوارە بگریت؟ کێشە نیە. ئێستا دەتوانیت Siri Eyes Free بەبێ دەستدان لە مۆبایلەکەت بەکاربهێنیت. چەند ئاسانە؟ تەنها دەست بنێ بە دوگمەی Siri لەسەر سوکانەکە و یەکسەر دەتوانیت شوێن بگریت.

سیستمی دەنگیی Bose Premium ئەڵتیما پڕدەکات لە گۆرانی، بە سافی و بە قووڵی. نۆ سپیکەر، رێکخراو بۆ دەنگناسیی کابینەکە، کەناڵی دەنگی بە ناو هەموو ئۆتۆمبێلەکە، ئەزمونێکی گۆرانیی مەزن پێشکەش دەکەن. 

لەگەڵ سویچی زیرەکی نیسان ئەڵتیما، دەست لە دوگمەی دەسکی دەرگا و سندوقەکە بدە بۆ ئەوەی بکرێنەوە، لە کاتێکدا سویچەیە لە باخەڵ یان کیفەکەت دایە. تەنانەت پێش ئەوەی بگەیتە ئۆتۆمبێلەکە، دەتوانیت لە دووری ١٠٠ پێ بیخەیتەکار، ئەمەش بە یارمەتیی سیستمی کۆنتڕۆڵی کوژاندنەوە و ئیشپێکردنی بزوێنەر لە دوورەوە.

ئیشپێکردنی شتەکان هەرگیز وەک ئێستا ئاسان نەبووە. بە سویچی زیرەکی نیسان لە باخەڵت یان لە کیفەکەتدا، وە دوگمەی ئیشپێکردن (بەسمە)، تەنها سواربە، دەستی پێدا بنێ و بڕۆ.

بە سوودوەرگرتن لە شێوازی وەستانی سوکی ئەستێرەناسان لە بۆشایدا، ئەندازیارانی نیسان کوشنێکیان بۆ شۆفێر دروستکردوە کە زۆر پشتیوانە و دەتوانێت یارمەتی کەمکردنەوەی ماندوویەتی بدات وە بە کوشنێکی شۆفێر کە بە ٨ رێگا رێکدەخرێت، دەتوانیت بەڕاستی بیکەیت بەو شێوازەی کە خۆت پێی ئاسودەیت. 

کوشنەکانی پێشەوە هیتەریان تێدایە و دەتوانن بە خێرایی و بەباشی کوشنی خۆت و نەفەرەکەت گەرم بکەن. هەروەها دەستەکانیشت سوود لەم گەرمیە دەبینن، سوپاس بۆ هیتەری سوکانەکەی. 

ئارامی دەپارێزن. لەگەڵ کۆنتڕۆڵی دوو ناوچەیی کەش و هەوا، تۆ و سەرنشینەکەت دەتوانن بەشی لای خۆتان لە کابینەکە گەرم و فێنک بکەنەوە بەو شێوەیەی کە حەزتان لێیە. دەرەچەی هەوای گەورە لە ریزی دووەم، یارمەتی سەرنشینانی دواوە دەدات چێژ لە هەمان ئاسودەیی ئێوە وەربگرن. 

کوشنەکانی دواوە بە رێژەی ٦٠/٤٠ بەرەوخوار تەخت دەکرێن، ئەمەش بۆشاییەکی فراوانتر و کابینەیەکی گەورەترت پێدەدات بۆ هەڵگرتنی کەلوپەلی درێژی وەک پاسکیل و بۆردی خلیسکان و داری گۆڵف.

لە گەشتی درێژی کۆتایی هەفتەدا، هەموو کەلوپەلە پێویستەکان بەخێربێن بۆ ناو سندوقە گەورەکەی.

وەستانی لاتەریبی ئاسان بووە. بە پیشاندانی دیمەنی پشتەوەی ئۆتۆمبێلەکەت، شاشەی کامێرای پشتەوە گەڕانەوە بۆ دواوەی زۆر ئاسان کرۆتەوە. نیشاندەری سەوز و زەرد و سور یارمەتیت دەدەن کە چەندە نزیکی بوویەوە لە تەنەکەوە – ئۆو! چەندە یارمەتیدەرێکی نایابە لە مەودا تەسکەکاندا.

سیستمی پەڕەشووتی پێشکەوتووی نیسان ئەڵتیما ٦ پەڕەشووتی ستاندارد لەخۆدەگرن: دوو پەڕەشووتی پێشەوە کە بە قایشی سەلامەتی و هەستەوەر پەیوەستن، پەڕەشووتی لاشانی کوشنەکان، پەڕەشووتی سەقف کە بە هەستەوەری وەرگەڕان پەیوەستن.

هەندێک جار ناتوانین خۆمان لە پێکدادان لابدەین. بەڵام هەیکەلی هەرێمی جەستەیی نیسان بە لایەنی کەمەوە بۆ هەموو سەرنشینان سەلامەتترە. دروستکردنی هەیکەلێکی پێشکەوتوو کە پێکهاتەی هەڵمژینی کاریگەری تێکەڵە لەگەڵ کابینەیەکی بەهێز، بەدڵنیاییەوە پارێزگاری لە خۆت و سەرنشینانت دەکەن. 

لایتە ئۆتۆماتیکیە زیرەکەکانی ئەڵتیما دۆخی دەروە دەخوێننەوە و ئۆتۆماتیک لە کاتی پێویستدا لایتەکان دەکەنەوە و دەیکوژێننەوە. بۆ ئەوەی لە کەش و هەوای سەختیشدا یارمەتیت بدەن، وەڵامی فڵچەکانیش دەدەنەوە و دوای چوار جار سڕین، لاییتەکان دەکەونە کار.

TPMS لە کاتی کەمی هەوای ناو تایەکان ئاگادارت دەکاتەوە کاتێک بۆ هەوا تێکردن دەوەستیت، هۆشداریی پڕکردنی ئاسانی تایەکان خۆی دەزانێت تایەکە چەندی هەوا پێویستە، کە گەیشتە ئاستی پێویست، هۆڕنێکی نەرم لێدەدات.

لە نیساندا، ئێمە پابەندین بە پاراستنی بچوکترین سەرنشین. لەبەر ئەوە سیستمی بەستنەوەی منداڵی ISOFIX لە ئەڵتیماندا جێگیر کردوە، ئەمەش رێگەت پێدەدات کورسیی گونجاوی منداڵ لە ریزی دواوە بەدەست بخەیت بەبێ بەکارهێنانی پشتوێنی سەلامەتی.

کاتێک هەستدەکات ئۆتۆمبێلەکە لە دەستی شۆفێر دەرچووە یان کۆنتڕۆڵی لەدەستداوە، کۆنتڕۆڵی داینامیکی ئۆتۆمبێل (VDC) دەتوانێت هێزی بزوێنەر کەمبکاتەوە و پەستانی ستۆپ لەسەر چەند ویلێکی دیاریکراو دروست بکات.

سیستمی کۆنتڕۆڵی راکێشان هەست بە خولانەوەی ویلەکان دەکات و دەستبەجێ رێژەی چوونی سوتەمەنی بۆ بزوێنەر کەمدەکاتەوە بۆئەوەی یارمەتیت بدات لە رێگا دەرنەچێت و کۆنتڕۆڵی ئۆتۆمبێلەکە بپارێزیت. 

سیستمی ستۆپی دژە خشان () لە کاتی ستۆپی سەختدا فشار دەخاتە سەر پەمپی ستۆپەکان و ناهێڵێت ویلەکان قوفڵ ببن، ئەمەش یارمەتیت دەدات کۆنتڕۆڵ لەدەستنەدەیت و بتوانیت خۆت لە بەربەستەکان لابدەیت.

دابەشکەری هێزی ستۆپی ئەلیکترۆنی (EBD) هێزێ وەستانی زیاتر بۆ تایەکانی دواوە دەنێرێت کاتێت هەست بە قورسایی دەکات لەسەر ئۆتۆمبێلەکە، هەروەها یارمەتیدەری ستۆپ ئەوپەڕی هێز لەسەر ستۆپ دروستدەکات ئەگەر هەست بە  ستۆپ گرتنی قورس بکات.